اخاااااااااااااااااااااااااااااااااااف

صباحكم / مسائكم شعر



اجي يمه وبوادع ولكن صعب ما اقدر
انا مقدر على بعاده وطاري البعد وفراقه
اصد اتهرب وابعد واحاول منه اتعذر
اخاف تطيح دمعاتي وانا مقبل على عناقه



يدري اني احبه حيل ولايمكن عنه اصبر
وانا متعاهد وقلبي صعب اخون ميثاقه
اخافه يبتعد عني واخاف ابقى معه اخسر
تعب قلبي من افعال الزمن وظلمه وارهاقه



لعلمك كل ماتكبر غلاك بداخلي يكبر
واشوفك داخل اعماقي بوسط القلب واعماقه
انا لا من تذكرتك يضيق القلب وتأثر
واقلب دفتر ايامي واقلب كل اوراقه



قهر ياقلب لاتشكي ولاتحزن ولاتسهر
سنين البعد تلعبك ونار الشوق حراقه
كثير الوقت يجمعنا ولكن الوداع اكثر
كثر مامت في قربه اموت بلحظة افراقه