سطور العمر

سطور العمر

بنكتب سطرْ
و نمسح سطرْ
يعدّى العمرْ
و نلقى كِتابنا
صارْ فاضى

سنين بتمرْ
و يوم بِيجُرْ
فى أمس يِفُرْ
و أبات و أصحَى
و أنا راضى

نهار بعتّرْ
ف حلم أخضرْ
يِبِسْ مَرّرْ
و لسّه حرُوفُه
بتنــــــادِى

و أحاسبْ مِينْ
و أشكى لِمينْ
و أطبطَبْ فينْ
و أجْلِدْ فينْ
ده جُوّه القلبْ
ميتْ وادِى

و أحاولْ ألـِّمْ
حروف الحلمْ
و أسرسِب همْ
و أرسم رسمْ
أجمَّع لونُه
م الماضى

أهى نقطة
وكمان نقطة
بانَت لقطة
صَبح منظرْ
لكن باهِت
و مِتكرَّرْ
و عُمر الفنْ
ما يـأثـَّــرْ
مادامْ عادِى

يجُوز بكرة
تثـُور فكرة
ف روحْ
ريشـــةْ
ف ايد حرّة
تعدِّل خطْ
تلوِّن شطْ
تِشِيل و تِحُطْ
تحرَّر عمرْ
عاش مسجونْ
ف زنزانة
برىء راضِى
و ايه بيدومْ ؟
و امتى بكرة
كان معلومْ ؟
و مين يعرف
قضا القاضى؟

تأليف : هاله أحمد
*موثقة بالشهر العقارى *

فعلا سطور العمر

العفو يا حبى
يسلمو على الكلام الجيمل

واللة جميلة ميرسى يانىنى دايما موضيعك تحفة

اةةةةة من سطور العمر

اه اه اه يااااااااااااااااااااااااا متفكرنيش

هههههههههههههههه

ولا تفكريني ياااااااااا سماء والله ههههههههههه

انتي مواضيعك يا نونة تحففففففففففففففففة